Marianne Goman Obituary - Visitation & Funeral Information

Lavi de Marianne Goman Marianne Mesadieu tefet 30 deanm 1953 nan zòn ti bout oboy yon kote yo rele gachon. Lel te fet grann li ak gran papal te pwan-l depwi sou laj twa mwa. Sete yon moun ki te renmen fè komès anpil et sete sa grann li te konn fè. . Li te fè etid pwimè li el te vin pa kontinye paske-l te toujou panse kontinye ansanm avek komes li nan ide pou-l te ka rantre yon ti tchotcho. Nan laj 18 an konsa li te ale nan kouti paske li te toujou panse tout rad ke yo fe pou li pa fe-l byen. Et answit se te yon ti mdanm ki te pedan anpil se yonn nan rezon kife le pwal soti li toujou gade tet li nan miwa pandan plizye plizye pou-l ka vweman asirel ke li se yon bel ti madanm. Nan moman ke li te nan kouti a sete nan moman sa ke li te rankontre ansanm avak mesye Magloire Goman nan lane 1976. Bon Mesye Magloire ki te vweman santi ke li te jwenn moun ke li renmen an pa-t vweman apwoche-l te ka koutize-l men li te ale touswit lakay manman-l jis pou li te ka montre-l ke lanmou ke li te gen nan ke-l pou li se te yon bagay sinse. Marianne Goman te refize demand lan paske li panse sete yon jes lachte li ye paske le yon jenn gason renmen yon jenn fiy ou sipoze pase direk et pa pase de kote. Men akoz ke li vi-l paple avek papa manman-m sa vi-n fe-l oblije kwè. Nan lane 1978 yo te marye et nan menm moman sa yo te fè pwemye pitit yo ki rele Gladele Goman ki se pwemye fortin fanmiy lan paske li te touche atache ak manmanl. Nan lane 1978 Manman-m te desann ti bouk oboy et li avek mari-l ki se Magloire Goman te kontinye viv ansanm. Marianne se te pitit Desir Mesadieu et manman-l sete Yvonne François. Papa–l te gen 6 pitit ki se 4 fiy de gason. Non pitit fiy yo se: Jacqueline Mesadieu, Nancy Mesadieu, Marguerite Mesadieu ki déjà mouri nan ane 2010. Et non Pitit gason yo sete Carnovil Mesadieu ki mouri nan lane 2013, lot pitit gason an sete Philema Mesadieu. Manmanm gen twa pitit 2 fiy et yon gason. Non pitit fiy yo se Gladele Goman, Madeline Goman Justinien et non pitit gason an se Marckenes Goman. An total pitit pitit yo se 4 non yo se: Macaulay Corey-Goman, Lamarcus Goman, Magan Francoeur, Madison Goman. Lè grann mwen mouri nan lane 1984 , Sete Marianne ki te ranplase kòm manman. Et grann mwne te kite yon denye pitit non li se Philema Mesadieu. Ki te vi-n vin marye et li te konsidre-l tankou pitit li. Tout moun sete zanmi Marianne et avek souri li sa te fe anpil moun renmen-l. Sete yon moun ki te gen lanmou atachan pou Bondye et te toujou panse sete pi gwo trezò lavi a. Bon Marianne sete pi bon zanmi mwen te ka genyen. Li pa-t janm fatige paske li te toujou renmen regle aktivite lakay la ki se lave pase. Bon jodya nou rive nan moman kote nou pedi-l et touswit mwen santi yon vid nan ke-m etan ke pitit. Et tout moun toujou ap di ke mwen sanble ave-l anpil et gen moun ki menm ki panse se Jumelle mwen. Pou mwen byen di pa gen moun ki pafè men et li toujou gen yon ti koze pou li di-m et toujou dim pa di pesonn sa paske-m sete bwat sekrè li. Mwen menm avek Marianne sete ezanp pou tout manman avek pitit, li sete zanmi-m, fwem, sem. Mwen pat janm di Marianne non nan desizyon ke m’ap pwan paske tout sa-l dim se wi et amen. Et mwen ka di sensèman li pa-t janm renmen kale timoun paske-l te toujou mete nan tet ke bat timoun nan p’ap mennenl ke-n kote. Men Jodya mwen twouve-m nan yon enpas difisil kote-m pedi sel byen ke-m te genyen apwè Bondye ki te kreye-m. Bon Kòm Jòb te di” Bondye bay et Bondye pwan ke non li beni.

Marianne Goman

December 30, 1953 - January 11, 2022